Henüz Oylanmamış Bu gicemüñ ki hergiz irişimez ol taña
Fikretde şem bigi yanup kalmışam taña
Yâruñ saçı ola bu karañu uzun gicem
Kim bendi mihnet oldı vü dâmı belâ baña
Sevda denîzidür tolu mevc-i belâ vü gam
Ne diyeyim bu gice perişanlıgın saña
Yâ-Rab adem gicesi midür bu uzun gice
Kim subhdan belürmedi hergiz eser buña
Ömrüm bekâsı olsa gice bigi uzadu
Tâ subh-ı haşr irmeye-y-idi fenâ aña
Maşrıkda subhdan bu gice yah nişân meger
Yolın yañıldı gün gelmez dahı bu yaña
Çoh şükr şem bigi oda yanup Ahmedî
İrgürür-ise bu şeb-i buhranını taña
Bir yanıt yazın