Henüz Oylanmamış Cân sayd ider gözüñ bu cihâna belâ mıdur
Peykân urur cigerlere tîr-ı kazâ mıdur
Zülfüñ kohusı-y-ıla muattar-durur hevâ
Bu ûd mı ya anber ü müşg-i Hıtâ mıdur
Işkuñda oda yandum u hâlümi sormaduñ
Cân virdügüm yoluñda senüñ pes hebâ mıdur
Sinüñ baña cefâdur u binüm saña vefâ
Mihr ü vefâ mukâbili cevr ü cefâ mıdur
Ben gözlerüñe fitne vü hayrân ol beni
Zâr öldürür günahsuz işbu revâ mıdur
Işkuñ diler ki döke gözüm yüz suyın yire
Bî-gâneyi koyup kamu kasd âşinâ mıdur
Zâr iñler Ahmedî bigi her gice andelîb
Ol dahı ışka bencileyin mübtelâ mıdur
Bir cevap yazın