Diler Sana Ki Cân-ıla Çâker Ola Şeker şiiri

Ahmedi

İlk puanı siz verin

Diler saña ki cân-ıla çâker ola şeker
Pes dudaguña nice ber-a-ber ola şeker

Cânın mezâda kodı lebüñden senüñ meger
Yâkût almaga semen isder ola şeker

Kim ola gül-şeker ki katında dudahlaruñ
Gül düşe topraga vü muhakkar ola şeker

Bir katre agzuñuñ yarı düşerse topraga
Yirden ne kim biterse ser-â-ser ola şeker

Teşne-cigerdür agzuña ser-çeşme-i hayât
Pes nîce diyeyim ki aña beñzer ola şeker

Tekrâr ider müdâm lebüñ vasfın Ahmedî
Şîrîn olur niçe ki mükerrer ola şeker

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir