Dir-idüm Kamkı Yana Ola Hac şiiri

Ahmedi

İlk puanı siz verin

Dir-idüm kamkı yaña ola hac
İşi güñ didi ilâ haze’n-nehec

Vasluña ne vakt irem didüm gözün
Didi ki e’ssabrü miftâhü’l-ferec

Kaşuña öykünmek istedi hilâl
Akl didi zi-hayâl ü fikr-i kec

Ayaguñ topragına irem diyü
Kal ider güneş dekâyıkla derec

Gözüñe ökündi-se nergis n’ola
Afv it leyse ale’l-amâ harec

Gözlerüñ devr-i kamer binüm dimiş
Gamzeñ olmış uş aña akvâ el-hücec

Ahmedî bigi işigüñi senüñ
Bulana ne Kabe gerekdür ne Hac

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir