Her kişi kim senüñ bigi dil-dârı var ola
Devlet aña muvâfık u ikbal yâr ola
Tâbı cemâlüñüñ n’ireye kim irer-ise
Gül-zâr açıla orada vü lâle-zâr ola
Zülfüñ kemendine irer-ise sabâ yili
Tâ haşr her-nefes ki ura müşg-bâr ola
Başuma tâc itmege ayaguñuñ tozı
Girür-ise ele şeref-i rûzigâr ola
Biz yarı üşbu cehd-ile bulamazuz meger
Yârı viren bize kerem-i Kird-i gâr ola
Âşık olana cevre tahammül gerek ki şem
Nûr anda olur ki varlıgı nâra nisâr ola
Terk ide ihtiyarını şöyle ki Ahmedî
Işkuñ yolında her ki diler ki ihtiyâr ola
Bu şiiri oyla
Henüz Oylanmamış
Henüz Oylanmamış
Bir yanıt yazın