Seni Bulmag-ıçun İşüm Talebdür şiiri

Ahmedi

Bu şiiri oyla Henüz Oylanmamış

Seni bulmag-ıçun işüm talebdür
Taleb maksûdı bulmaga sebebdür

Hızırdur Âb-ı Hayvâna irişmiş
Beñüñ kim lalüñ-ile leb-be-lebdür

Yüzüñ-ile gözüñ katında añmah
Gül-ile nergisi terk-i edebdür

Yüzüñe vâlihem zülfüñe hayrân
Belî dâm-ı belâ hoœ rûz u şebdür

Sabâh u nev-bahâr u bülbül ü gül
Sabûh iç kim dem-i ayş ü tarabdür

Hilâl-i îddür kaşuñ elüme
Kadeh sunsân diye mi kim recebdür

Kalem yazdugı nesne ayruhsı olmaz
Bu zühd ü bu riyâ pes ne taabdür

Furât u Âb-ı Hızr u havz-ı kevser
Kamusı teşne-i mâü’l-inebdür

Gözüñ vasfında sözin Ahmedînüñ
İşiden dir bu ne sihr-i acebdür

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir