Ser-sebz kadüne didiler serv-i revândur
Dâyim bu hayâl-ile gözi cû-yı revândur
Dirler baña kim agzı ne gûherdür eyitgil
Kime diyem ol râzı ki cân bigi nihândur
Göñlümi gözüñ aldı vü dahı ider âşûb
Cân mı diler uş ol dahı hem aña revândur
Yüzüñ nicesi itdi tecellî gözüme kim
Yüzi üstine düşdi dahı aña nigerândur
Her lahzada biñ zahm urur cânuma gamzeñ
Hoœ Türk-i Hıtânuñ işi tîr-ile kemândur
Serkeş-durur u davi-yi hem-serlik idiben
Saçuñ kadüñe irdüg-içün pây-keşândur
Sor niçün içer Ahmedînüñ kanını gamzeñ
Çün andan aña assı yog u bu ne ziyândur
Bu şiiri oyla
Henüz Oylanmamış
Henüz Oylanmamış
Bir yanıt yazın