Teşne-cigerüm Işkun Odı-y-la Tolu Kandur şiiri

Ahmedi

İlk puanı siz verin

Teşne-cigerüm ışkuñ odı-y-la tolu kandur
Ol çeşme-i hayvân dudaguñdan anı kandur

Dur diyü dögerken yoluña başunı gören
Didi ki hayâl-ıla sanursın ki ola kandur

Dirseñ göreyim ölüyi ne resme dirilür
Ben teşneye di kim dudaguñdan suya kandur

Uyhu-y-ıla gözüm bir araya olamaz cem
Zîrâ ki arada hûn-ı siyâvuş bigi kandur

Lâle bigi yahıldı cigeri ışkuñ odına
Yaprah bigi yüregüm anuñ-çun hafakândur

İtdi gözüñüñ işveleri nergis-i bî-hwâb
Rengine nazar it ki nişânı yerekândur

Defter açıcah Ahmedî yaşın gören eydür
Mahv eylemesün defteri ucdan uca kandur

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir