Al eline gönlin mûrun Süleymânluk budur
Hoş geçe sâyende ‘âlem zıll-ı Yezdânluk budur
Bir kulun dîvâne olsa gayret-i akrân ile
Bende çek zencîr-i ihsânunla Lokmânluk budur
Kıl cihânı ehl ile ma’mûr u ehli lutf ile
Ey cihân-gîr ü cihân-ârâ cihân-bânluk budur
Şâne ilüp çekme de bir yana bir yana nesîm
Var ise zülf-i semen-sâda perîşânluk budur
Dîdi bir dânâ-yı kâmil bend idüp ‘Âşık bana
Şâhı koyup bendeden lutf umma nâ-dânluk budur
Bu şiiri oyla
Henüz Oylanmamış
Henüz Oylanmamış
Bir yanıt yazın