Besdür sirişk-i çeşm ile dâg-ı şerer-feşân
Da’vâya ma’ni lâzım ise ‘âşıka nişân
Şemşîr-i yâr belde durur bir harâmîdür
Kurtulmaz anda eylemeyen varı der-miyân
Kuhsâr-ı serde dîde-i giryânlarum görüp
Dilber didi hunâlike ‘aynâni tecriyân
Pehlûya çekmek olur idi tîg-i dilberi
Hançer araya girüp ana basmasaydı yan
Feth itmeyen tılısm-ı vücûdını ‘Âşıkâ
Bulmaz visâl-i yâre irüp Genc-i Şây-gân
Bu şiiri oyla
Henüz Oylanmamış
Henüz Oylanmamış
Bir yanıt yazın