Hevâ-yı vasl-ı pehlûsı nesîm-i zülf-i reyhânı Şiiri

Hevâ-yı vasl-ı pehlûsı nesîm-i zülf-i reyhânı
Birisi hazz-ı cismânî gıdâdur biri rûhânî

Sürinür sâye-veş yanınca üftâde olup cânum
Yürise serv-i âzâdum hırâmânî hırâmânî

Mahabbet ehli virmez zevk-i vasla şûr-ı hicrânun
Semender nâr-ı sûzâna degişmez âb-ı hayvânı

Seherlerde kabûl olan du’âlar hakkı Allâhum
İrişdür subh-ı rûz-ı vasl-ı yâre şâm-ı hicrânı

Çemende sâye-i şimşâd san nat’-ı pelengîdür
Güzeller ‘Âşıkâ ‘ıyş itmek içün sâye sultânı