Yir İder Nâz İle Çeşmümde O Müjgân Batar Şiiri

Yir ider nâz ile çeşmümde o müjgân batar
Gûyiyâ san’at ile şîşeye peykân batar

Gayriye göndericek tîr-i müjen reşkümden
Cânuma acı gelür cismüme ey cân batar

İtse dendân-ı segünden n’ola agyârun ile
Batar eylük kişiye ey meh-i tâbân batar

Tolunur hüsni gözümden tolıcak yaş gözüm
Âşikâr olsa süreyyâ meh-i tâbân batar

İrmeden vaslına ‘Âşık hatı olur peydâ
Varmadın menzile hûrşîd-i dırahşân batar