Hayâl-i ‘ârız-ı dildâr u yâr u zülf ü kâkülden
Bahâr-ı tab‘ımuz gülzârdur rengîn tahayyülden
Zamân ile gülistân idi bilmem Meşhed-i nâzun
Ki bûy-ı hûnun asla farkı yokdur nükhet-i gülden
Yine düşdüm kemend-i zülfüne endîşesüz ben kim
Peşîmân olmışam bin kere kâr-ı bî-te’emmülden
Humâr-âlûde rind-i rast-güftâram riyâ bilmem
Hazîndür kulkul-ı mînâ-yı mey âvâz-ı bülbülden
Egerçi hüsn-i istignâ-fürûşun hazzı var Âgâh
Usandum tâ-be-key bîgâneveş yâra temeyyülden
Bu şiiri oyla
Henüz Oylanmamış
Henüz Oylanmamış
Bir yanıt yazın