Ey gamzesine ruhsat-ı cevr ü cefâ viren
Virmez mi sana sûz-ı mahabbet bana viren
Ey dil telâş-ı ni‘met-i dîdâr tâ-be-key
Sen sâbir ol ki rızk virür iştihâ viren
Hûn-ı cigerle eyleme tahsîl-i reng ü bû
Ey tıfl-ı hû hınâ da virür dest ü pâ viren
Ben nâ-tüvânın itdi helâk-ı tegâfüli
Her bî-vefâya derdden evvel devâ viren
Ey kâşki vireydi birâz sâye-i kerem
Âgâh o nahl-i ser-keşe neşv ü nemâ viren
Bu şiiri oyla
Henüz Oylanmamış
Henüz Oylanmamış
Bir yanıt yazın