Her şu‘le hû perîveşe yâr itmesin seni
Pervâne-i çerâg-ı mezâr itmesin seni
İstersen ide hâküni hurşîd-i tûtiyâ
Ahbâb hâtırına gubâr itmesin seni
Râh-ı talebde germ-rev ol berk ü bâddan
Dûn himmet olma mûr süvâr itmesin seni
Sa‘y it hesâba gelmeye nîkû ‘amellerün
Zühhâd gibi sübha-şümâr itmesin seni
Aç beste gonçe-i dilüni bâd-ı âh ile
Minnet-keş-i nesîm-i bahâr itmesin seni
Âgâh gibi müflis-i hâtem-nümâ geçin
Neylersen eyle sifle-şi‘âr itmesin seni
Bu şiiri oyla
Henüz Oylanmamış
Henüz Oylanmamış
Bir yanıt yazın