Âgâz-ı Gazeliyyât 104 Şiiri

‘İzâr-ı yâra hat-ı müşgbârı gelmişdür
Ya ceyş-i fitneden evvel gubârı gelmişdür
Henûz ruhsat-ı nâz u tegâfül olmışdur
Henûz mevsim-i bûs u kenârı gelmişdür
Piyâle elde gerek sâkiyâ bu gülşende
Zamân-ı ‘ayş u tarab rûzgârı gelmişdür
Figân-ı bülbül-i âşüfteyi ganîmet bil
Bu bâga sen gibi ey gül hezârı gelmişdür
Revâ mı itmeye pervâz şâhbâz-ı nazar
Ki saydgâh-ı ümîdün şikârı gelmişdür