Pâ-bûsını ümmîd iderek câda bulunduk
Ol şûha hatâ eyledük üftâde bulunduk
Kat‘ eylemedük ‘âlem-i bâlâdan ümîdi
Mânend-i sadef gerçi ki deryâda bulunduk
Dîvânelere şehrde ragbet dahı çokdur
Bir niçe zamân biz dahı sahrâda bulunduk
Kendi gibi bir âfetün âşüftesi gördük
Her hüsn ile mümtâz ki dildâde bulunduk
Âyîne kadar kıymetimüz olmadı Âgâh
Biz her ne kadar sâf-dil ü sâde bulunduk
Bu şiiri oyla
Henüz Oylanmamış
Henüz Oylanmamış
Bir yanıt yazın