Gülzâr-ı gamda gonçe gibi nâ-güşâde ol
Meyhâne-i neşâtda ser-cûş-ı bâde ol
Zûr ile olmaz ey kad-ı ham-geşte vasl-ı yâr
Ol tıfl-ı şûh elinde kemân-ı kebâde ol
Eksük degül cefâları hîç mâh-rûlarun
Benden tamâm var dil-i şeydâ safâda ol
Ümmîdi tîg-ı berk ile kat‘ it bahârdan
Tahsîl-i âb-rû ile neşv ü nemâda ol
Zîr-i felekde ister isen dil-güşâ makâm
Âgâh künc-i sabr u makâm-ı rızâda ol
Bu şiiri oyla
Henüz Oylanmamış
Henüz Oylanmamış
Bir yanıt yazın