Cân atma o ıklîme ki cânânesi çokdur
Pür-fitnedür ol şehr ki meyhânesi çokdur
‘Aklını begenmişleredür cezbesi yoksa
Kûyında belâhet-zede dîvânesi çokdur
Tâbende ruhın sille-hor-ı bâl u per eyler
Haclet çeker ol şem‘ ki pervânesi çokdur
Muhtâclarun birine ihsânı mı vardur
Bahrun tutalum gevher-i yekdânesi çokdur
Yetmez mi gıdâ noktası eş‘arımun Âgâh
Gamgîn degülem murg-ı dilün dânesi çokdur
Bu şiiri oyla
Henüz Oylanmamış
Henüz Oylanmamış
Bir yanıt yazın